16 juni 2010 Lit in reaksje achter
De filmkes fan de finale fan SjONG steane op YouTube (sjoch: www.youtube.com/taalsintrum of de gadget hjirûnder).
De striid om de SjONG YouTubepriis 2011 kin dêrmei ek begjinne. De útfierende fan it FINALE-filmke dat it meast besjoen wurdt, wint de YouTubepriis en mei optrede op SjONG 2011. Stemme hoecht dus net, it giet om it oantal ‘views’.
26 april 2010 Lit in reaksje achter
Se mei dan net sa grut wêze, sjongeres Bente Groeneveld (17) fan Makkum stuts sneon ‘mei kop en skouders’ boppe de rest út by de finale fan SjONG yn teater DOK18 yn Dokkum. Sa’n 350 besikers seagen dat de sjuery fan it Frysktalich sjongfestival foar de jongerein har unanym ta winneres útrôp.
‘Mei har moaie stim en ynlibbe presintaasje joech se ús pikefel,’ sa sei KlipKar-presintatrise Femke de Walle, dy’t mei sjonger Robbie van Wieren en produsint en dirigint Sjoek Nutma de sjuery foarme. Bente, learling fan it Bogerman yn Snits, song op oertsjûgjende wize it nûmer ‘Lúster’, har eigen Fryske oersetting fan ‘Listen’ fan Beyoncé.
Twadde waard de band Zebras Can Fly fan it Dockingacollege yn Dokkum mei it fleurige liet ‘In moaie simmerdei’ (‘Jenny Don’t Be Hasty’ fan Paolo Nutini). ‘Der stie echt in band,’ sa oardielde de sjuery. ‘Boppedat hawwe se in leuke sjongeres.’ De tredde priis gong nei Amerens Jongsma (14) fan Frjentsjer mei ‘Goudgiel Maitiidsfjild’ (‘Fields of Gold’ fan Eva Cassidy). Lês mear..
23 april 2010 Lit in reaksje achter
Nynke en Wiljo binne juster by de lêste foarrondes fan it (folwoeksen) sjongfestival Liet nominearre foar in finaleplak. Nynke en Wiljo wûnen ferline jier noch SjONG mei in cover fan Anouk en brochten no in eigen nûmer.
Der binne no mei-inoar 15 acts nominearre foar in plak yn de Liet-finale op 22 maaie. De sjuery fan Liet sil hjir nije wike oer te set. Nije wike freed wurdt bekend makke hokker tsien lieten trochgeane nei de finale yn De Harmonie.
12 april 2010 Lit in reaksje achter
29 maart 2010 Lit in reaksje achter
It finalefilmke fan Marjolein Holwerda fan SjONG 2009 is dit jier it meast besjoen op YouTube. Mei 5900 ‘views’ bleau sy Eline, Anke & Tiny mei rom 5800 sjoggers mar krekt foar. En de nûmer 3, Saskia Zwaan, wie ek noch altyd goed foar 4700 ‘views’.
De filmkes fan SjONG wurde trouwens hieltyd populêrder. Sa waarden de filmkes fan SjONG 2009 mear as 100.000 kear besjoen. Yn totaal stiet de teller fan alle SjONG-edysjes rom oer de 300.000. Lês mear..
26 maart 2010 Lit in reaksje achter
Foar de finale fan SjONG op sneon 24 april yn teater DOK18 yn Dokkum biede wy skoallen kaarten oan foar it redusearre taryf fan € 5,- per kaart. Skoallen kinne dy oant en mei tongersdei 15 april bestelle troch in mail te stjoeren nei jd.devries@cedin.nl ûnder fermelding fan de kontaktpersoan, it skoaladres en it tal kaarten. Dy kaarten wurde dan, mei in rekken, noch foar it wykein (fan 17 april) ferstjoerd. Lês mear..
25 maart 2010 Lit in reaksje achter
‘Ek al wie it nivo dit jier leger as ferline jier, der sieten dochs wer in pear bjusterbaarlike talinten tusken.’ Dat seit rapper Remon de Jong dy’t dizze wike tegearre mei sjongeres Minke Adema de sjuery foarme fan SjONG, it Frysktalich sjongfestival foar de jongerein. Ut de yn totaal 42 dielnimmers keazen sy úteinlik 12 finalisten. Lês mear..
11 maart 2010 Lit in reaksje achter
Se sizze wolris dat jongeren alles op it lêste nipperke dogge. No, by de organisaasje fan it jongereinsjongfestival SjONG witte se sûnt ferline wike dat dat kloppet. Trije dagen foar de deadline hienen se noch mar 8 oanmeldings, wylst der ferline jier mear as 50 wienen. Op de alderlêste dagen kamen der lykwols noch 40 binnen.
Dêrmei binne der hast like folle dielnimmers oan de foarrondes as ferline jier. En dat jout oan dat it festival, dat dit jier har fjirde edysje belibbet, ûnfermindere populêr is by de jeugd. Dat docht ek bliken út it tal kearen dat de klipkes fan SjONG 2009 op YouTube (www.youtube.com/taalsintrum) besjoen binne: mear as 100.000 kear. Lês mear..
7 juli 2009 Lit in reaksje achter
De filmkes fan de finale fan SjONG steane op YouTube (sjoch: www.youtube.com/taalsintrum of de gadget hjirûnder).
De striid om de SjONG YouTubepriis 2009 kin dêrmei ek begjinne. De útfierende fan it FINALE-filmke dat it meast besjoen wurdt, wint de YouTubepriis en mei optrede op SjONG 2010.
Tip! Freegje (fia Hyves) safolle mooglik freonen, kunde en famyljeleden om jim filmke te besjen. Stemme hoecht dus net, it giet om it oantal ‘views’. In reaksje efterlitte is fansels wol hiel aardich.
25 mei 2009 Lit in reaksje achter
Nei har earste plak by SjONG ferline jier waard Yldau Bylsma sneon tredde by it ‘folwoeksen’ sjongfestival Liet. Tegearre mei Wiebe Kaspers en syn band brocht sy it bysûndere nûmer ‘Mynhear Winter’, dat troch Wiebe sels skreaun wie. Yldau joech oan dat se absolút fierder wol yn de muzyk.
|